أراجوزات مصرية
أنا مش غراب أنا أبو القردان…ممنوع قانوناً
تصطادني…طرطور وصوت ملكوت فنان …بس الفلس متقصدنى
رأسى براس أجدع سلطان ملوك وزعما بتحدسنى
لذا ف جميع كافة أو طان …زنزان سجونها … اتعدونى
ضد نفط الذل وجنون البقر ضد تسليم أرض طرح البحر للخبرا اليهود
ضد ورد النيل ودبح الفنانات… لجنة تجعل مقتل الدرة بإفادة
ألف لجنة لجل دعم الانتفاضة
إنما …يا صاحبي يا مليان حماس
قبل ما تبقى اللجان حمى وعادة …تبتلينا براحة تقتلنا البلادة
وقبل ما ننسى حقيقة كنا بنعيشها زمان لما كان لسه الوطن فى قلوب شعوبه
واللى ثوري ثوري ما عباش جيوبه لسه ما أتعودش يخفى ف ممكنة السرى عيوبه
إحنا محتاجين للجنة …لجنة لكن لجنة جد لمساندة شعب مصر
شعبنا اللى مالوهش حد اللى متعلق فى تلابيب الرغيف
واللى خنفت لقمته وخوفه الشريف-حريته
لجنة لجل تخف عن كتفه الأصيل جزم العساكر
لجنة لجل مساعدته يرجع يذاكر يكتشف من تاني نبل هويته
وإنه يقدر ينتمي للعصر وعود دهشته - يحلم بنصر بسيط
حقيقي-ف قدرته لجل يرجع ثاني ويميز ما بين الناس كناس
أو بشر أعجاز شجر يكتشف فى نفسه-وبنفسه معاني العزة وإرادته – القدر اللى تتخلق فى قلبه الطفل أول كفه ما تموت ع الحجر