شموس الصباح
عيونك شموس الصباح والسما وحضنك غيطان الحنان والعمل
واسمك يا مصر اللى ما بيتنسي يداوى الأسى بالشقا والأمل
يا قطر الندي…يا طراوة الصباح يا طعم الكلام والسلام والقبل
أشوف ابتسامتك ندية وخضرا على وش طفله تهون الجراح
واسمعها تضحك فى صوت السلام تهون المصاعب وأهد الجبل
على كل لون
محتاجين طبعا لعشرات اللجان لمساندة كل مظاليم البشر فى كل أرض
حتى في جزر القمر أيوه …محتاجين لجان من كل نوع
لجنة لمساعدة هنود أمريكا وعواجيز كردفان لجنة ضد الجات والأعيب الأوبيك
ضد غزو المافيا الإيطاليا و موسكو و اليونان
ضد صيد الباندا والفيل والحيتان لجنة ضد العري ضد المسخرة فى حواري انجلترا
ضد المطر ضد المجاعة فى الصومال وف اندونسيا و السودان
إحنا محتاجين لجان على كل لون… لجنة ضد البرد ضد الاحتكار
لجنة لحماية آثار المماليك وانهيار الفلس والليرة ومليم الفريك
لجل بكره ما نشتريهشي بالدولار …لجنة ضد الغدر بالشعرا ويتوع الموسيقى
فى الجزير فى كاوبل أو فى إيران
إحنا محتاجين لجان…ولكل شينه شان
ضد دفن نفاية الذرات وصراعات الحدود