من نهنهات المشيب
شرفك يخلي حقوقك رهن بوفاتك …إول ما تخفي تنول فى القبر …ما فاتك
الكل يغسل ضوافره من شغت جلدك…ويبوح بأفضال جمايله… على نبيل ذاتك
ويداري فضله الخفي ف تحرير ملفاتك
صاحبي المثال يا هينا له أكمنه أمه دعيا له عفق الخازوق اللى ف باله
… ونجدوله مخده حرير لذا كون حدق للون نوع على كل طبلية اتدلع
ويدل ما تتفلسع …فلسع…إذا كنت فى عشة ضبابير
وما دام دخلت الجمعية اقبضها والحق عليه
إحنا اللىخفنا م الحية …واللص شفناه قلنا غفير فازعق وقول أنا كنت وكان
عملنا على ما بالامكان لعبنا شلح على كونكان…وطلعنا على كل المراسير
لعبنا أيوه وحاربنا شجون وغربه اتغربنا
كدبنا ورضينا نصيبنا…لهف عرقنا حرامي كبير
واحنا التراحيل الكتاب بيتنصف منا الكداب
واللي اتهرى م العشق وداب…مسحوا به ميدان التحرير
وما دام أنا عرفت مصيرها طالت طريقي…بأقصرها
واهي شفطه من سم عصيرها…ح تحمي شيبتي م التكدير
واللى زعيمه باع الدكان وحزيه بقى مش فى الامكان الذكريات طفحت دبان…والكل ح نلسبه طراطير