أضعف الإيمان عند السلطان
تبت فى شعره معاوية العب على الحبلين هذا زمان البلاستيك والقلام الجاف
وما دمت خرمان مفستك أو رغيفك حاف دراى الحقيقة اللى غاوية تبان على وشين
وكون جبان مط استك …والسع الخواف
نهنهات المشيب
ما عاد فاضل لك غير تكونا لعجوز اللى يحس الفرح فيخاف ويضرب بوز
علشان أكيد فيه جاحة ما طولتهاش أو حاجة ناوية تطولها غصب، يجوز
لذا مخبي فى قلبك تلتميت أراجوز
أضعف الإيمان …يا غلبان
لابدين على القمة كيف الديك أبو رقبين لا عندهم ملة ولا شرعة ولا قوانين
مستفردين بالهوا البحري ونور الشمس من طوبه لبشنس ما خلوا عنب ولا تين
ملكوا الكنانة اللى عمر الرب حاميها صبح محاميها زي حاميها…حراميها
وقسموها عهد بين الصلاة والرقص وبعقدة النقص رهنوها بمن فيها
يا هلتى ليها بكره ولا مش باين إتلم خايب الرجاع الخايب الخاين
والديك أبو رقاب عكم ع العشه وشكمها خربوش لكمها حكمها …بخبره ومكاين
طب يعمل إيه اللى دهسه الوالي ع السلم غير يبكى فى السر يعلن ديكها ويسلم